ماهي غريبه شوفت إنسان خوان
بس الغريبه شوفت إنسان وافي
شفت الوفا أصبح غريبه بالانسان
وشفت الخيانه وأفيه ياعوافي
كنت أذكر ولا زلت أذكر الي الان
إن الوفا في حضن الايام غافي
أحيان يصحى ويرجع ينام أحيان
ماكن له لزمه وأصبح خرافي
إذا صحى دور مع الناس خلان
ماشاف بين الناس صافي ودأفي
وإذا غفى صاحو ترا الحال تعبان
وين القلوب الوافيه يا سنافي
ياما ندهته .. بالخلايق ولا بان
وإن بان يتعكر ولا هو بصافي
وكانك سمعت بشوفته بين الاعيان
دور علي شوفه تر الشوف كافي
لا صار ماتلقا وفاء بين الاخوان
حتى ولد عمك اذا خان وافي